Dereitos ARCO
O Regulamento Europeo Xeral de Protección de Datos (GDPR) regula o exercicio dos dereitos do interesado e engade, á lexislación anterior, novos dereitos que melloran a capacidade de decisión e control dos cidadáns sobre os seus propios datos persoais.
Nos dereitos tradicionais de acceso, rectificación, cancelación e oposición (ARCO) incorpóranse os seguintes: o dereito á portabilidade dos datos, o dereito á limitación do tratamento e o dereito á supresión (dereito ao esquecemento), que se consideran como unha manifestación do dereito de cancelación e oposición no ámbito de Internet, froito do avance tecnolóxico.
O Centro Asociado da UNED en Pontevedra, para facilitar o exercicio destes dereitos, pon a disposición da comunidade universitaria a información necesaria, así como os diferentes formularios para exercelos DE XEITO GRATUÍTO.
Ante a solicitude de exercicio dos dereitos, o responsable do tratamento deberá resolver as solicitudes sen dilacións indebidas e no PRAZO MÁXIMO DUN MES, desde a recepción da solicitude e explicando os motivos en caso de non ser atendida. Este prazo poderá prorrogarse por outros dous meses, se é o caso pola complexidade da resolución. Neste último caso, deberá comunicarlle ao interesado esta prórroga no primeiro mes.
Contacto
Email: lopd@pontevedra.uned.es
Máis información
Normativa de Protección de Datos (en www.uned.es)
