Acceso á información pública

Lei 19/2013, do 9 de decembro, de transparencia, acceso á información pública e bo goberno 

Obxecto do procedemento

Este procedemento ten por obxecto exercer o dereito de acceso á información pública do Centro Asociado UNED en Pontevedra.

Enténdese por información pública os contidos ou documentos, calquera que sexa o seu formato ou soporte, que estean en poder do Centro Asociado e que fosen elaborados ou adquiridos no exercicio das súas funcións.

Non se debe solicitar toda a información que xa estea publicada na páxina web do Centro e no seu portal de transparencia.

As solicitudes de información sobre a actividade académica (estudos, exames, validacións, etc.) dirixiranse ao correo electrónico  secretaria@pontevedra.uned.es

Todas as persoas poderán exercer o seu dereito de acceso á información, nos termos previstos no artigo 105.b da Constitución Española.

Secretario do Centro Asociado UNED Pontevedra.

Director do Centro Asociado.

Artigo 105 da Constitución Española. 

Lei 19/2013, do 9 de decembro, de transparencia, acceso á información pública e bo goberno. 

Lei 39/2015, do 1 de outubro, do Procedemento Administrativo Común das Administracións Públicas. 

Lei 16/1985, do 25 de xuño, do Patrimonio Histórico Español.

Medios de presentación

Por correo electrónico a través dunha solicitude asinada cun certificado dixital.

Presencialmente, cubrindo o formulario que se atopa no portal de transparencia do Centro Asociado da UNED en Pontevedra e presentándoo en calquera dos lugares establecidos no artigo 16.4 da Lei 39/2015, do 1 de outubro, do Procedemento Administrativo Común das Administracións Públicas.

Data límite de presentación

En calquera momento.

Documentación requirida.

Formulario de solicitude debidamente cuberto e asinado.

Consentimento expreso por escrito do afectado cando a solicitude de acceso á información pública conteña datos persoais de terceiros salvo que unha lei autorice o acceso.

Motivación

En principio, non existe a obriga de motivar a solicitude de acceso á información pública. Non obstante, a persoa interesada poderá indicar os motivos polos que solicita a información, que poderán ter en conta cando se dite a resolución.

As solicitudes deberán estar motivadas cando, no exercicio dun dereito ou por motivos de investigación, se solicite o acceso a datos persoais non especialmente protexidos.  

Un mes desde a recepción da solicitude no rexistro do Centro, prorrogable por un mes máis no caso de que o volume ou complexidade da información solicitada o faga necesario.

Formalización do acceso.

O acceso á información farase preferentemente por vía electrónica, salvo que non sexa posible.

Cando no momento da notificación da resolución non se poida dar acceso, esta concederase nun prazo non superior a dez días.

Se houbese oposición de terceiro, o acceso só terá lugar cando, unha vez concedido o dito acceso, transcorra o prazo para a interposición do recurso contencioso-administrativo sen que se formalizase ou resolvese que confirmase o dereito a recibir a información.

Efecto do silencio administrativo

Desestimatorio.

Recursos

Contra calquera resolución expresa ou presunta en materia de acceso poderá interpoñerse reclamación ante o Consello de Transparencia e Bo Goberno, con carácter potestativo e con carácter previo á súa impugnación mediante vía contencioso-administrativa.

A reclamación interpoñerase no prazo dun mes contado desde o día seguinte ao da notificación do acto impugnado ou a partir do día seguinte a aquel en que se produzan os efectos do silencio administrativo.

As resolucións que se diten en materia de acceso á información pública poderán ser recorridas directamente ante a Xurisdición Contencioso-Administrativa, no prazo de dous meses contados a partir do día seguinte ao da súa notificación. No caso de falta de notificación, o prazo será de seis meses contados desde o día seguinte ao de producirse o feito presunto.

De conformidade co disposto no Regulamento UE 679/2016 Xeral de Protección de Datos e na lexislación vixente, informámoslle de que os datos facilitados neste documento serán tratados, como Responsable, polo Centro Asociado UNED en Pontevedra.

A finalidade do tratamento dos datos é a xestión deste procedemento.

A base xurídica pola que se tratan os seus datos é o cumprimento das funcións recollidas na citada normativa e, se é o caso, o consentimento. Así mesmo, os datos serán utilizados para enviar información, por calquera medio, sobre as finalidades anteriormente descritas.

Os seus datos non serán cedidos nin comunicados a terceiros, salvo nos casos necesarios para a debida atención, desenvolvemento, control e cumprimento das finalidades expresadas, así como nos supostos previstos pola Lei.

Podes exercer os dereitos de Acceso, Rectificación, Supresión, Limitación do tratamento, Portabilidade dos datos ou Oposición ao tratamento ante a UNED de Pontevedra. Rúa de Portugal 1 36162 Pontevedra - Pontevedra CP: 36162, enviando un correo electrónico a asuntoseconomicos@pontevedra.uned.es

Máis información na Axencia Española de Protección de Datos:

http://www.agpd.es/portalwebAGPD/index-ides-idphp.php

INICIA O PROCESO AQUÍ : FORMULARIO DE ACCESO A INFORMACIÓN PÚBLICA