Control externo

Auditorías e Supervisión

Cada ano, as contas do Centro Asociado da UNED de Pontevedra pasan por unha serie de controis externos que garanten unha correcta xestión económica dos seus recursos.

Con carácter xeral e durante o primeiro trimestre de cada exercicio, a Dirección do Centro presenta as contas anuais aos representantes das institucións que integran o Consorcio do Centro Asociado da UNED de Pontevedra para a súa aprobación. Cómpre lembrar que o Consorcio está integrado na actualidade pola Deputación de Pontevedra, o Concello de Pontevedra, a Consellería de Educación da Xunta de Galicia, as empresas ENCE e a UNED.

Por outra banda, cúmprense os requisitos exixidos tanto pola Auditoría Interna da Sede da UNED como pola Intervención Xeral da Administración do Estado (IGAE) a través da Vicerreitoría de Centros Asociados.

Por último, o Centro cumpre coas súas obrigas tributarias fronte á Axencia Tributaria, o que obviamente supón outro medio de control da xestión económica realizada.